串囍

營業中

休息中

👩🏻‍🍳串囍🧑🏻‍🍳👣值得科勞指數：🏃🏻‍♀️🏃🏻‍♀️🏃🏻‍♀️🏃🏻‍♀️串囍係屯門區串燒愛好者嘅天堂，特別適合三五知己一齊吹水、食串燒、飲下酒、睇波嘅好地方。最近仲有英超開季優惠，生啤同黑啤買三送一，有波睇又有酒飲，簡直係一個放鬆嘅好選擇！🍻⚽🍽️ 串燒拼盤：呢個拼盤好驚喜，集齊咗多款雞肉部位，包括雞皮、雞三角軟骨、雞膝軟骨、雞腎、雞尾同雞頸肉，唔同口感加埋燒得恰到好處嘅香味，每啖都令人難忘🍽️ 厚切牛舌心串：牛舌心真係不得了，燒到啱啱好，口感紮實中帶有嫩滑，咬落去仲有陣陣肉汁，好值得一試！🍽️ 日本蛋蟹肉大啡菇：大啡菇塞滿蟹肉，上面鋪一隻日本蛋，鮮香濃郁🍽️ 叉燒拉麵& 長崎白湯海鮮拉麵：拉麵既湯底濃郁，配料好味，飽肚之選🍽️ 燒蒜泥翠肉瓜：翠肉瓜燒得剛剛好，蒜香味十足但唔會搶味，係一道清新同重口味之間嘅完美配搭食完呢餐真係好滿足，串燒既水準比想像中更高，坐位闊落，簡直係放鬆嘅最佳選擇！😍🍻