小豆町日本料理

營業中

休息中

住喺藍地，放假又出藍地大街食嘢，行運成條大街都係茶餐廳，行行吓喺後街嗰度見到有間日本野好似裝修幾靚。見佢有做午市定食，就試吓佢啦。 餐牌都有十幾款可以揀。價錢都好平民化，試咗佢個鰻魚飯定食同壽司套餐，鰻魚都幾出色份量仲幾多下。呢個價錢加多$10可以包特色嘢飲，佢嘅特色嘢飲巨峰提子梳打，調得啱啱好甜度適中仲有爆珠係入邊。壽司方面，呢個價錢估唔到質素幾高，食材使用上睇得出有擺心機落去，帶子厚肉大大粒，三文魚吞拿魚油金魚壽司方面，魚肉新鮮冇腥味，店家推介刺身，$188有6款選擇就試吓佢。食得出所有刺身都係用新鮮食材，仲可以揀赤貝，元貝，虎蝦等等嘅貴價刺身，真係好抵食以後喺藍地食嘢又有個好選擇，估唔到藍地都可以食到高質素日本菜，真係意料之外驚喜。