王子廚房

營業中

休息中

今日入屯門拜年，朋友帶左我去印度人主理既新派多國菜餐廳，佈置既壁紙和滿有特色既燈罩，都帶有少許印度風情。我哋叫左個二人晚餐，包括是日餐湯、頭盤、主菜、是日甜品、飲品，免收服務費，非常抵食。忌廉南瓜湯：味道濃稠，配脆卜卜蒜蓉飽，簡直係絕配。經典凱撒雞肉沙律：沙律醬汁應該係餐廳自家調配，橄欖油和黑醋比例平均，跟沙律菜很搭配，加埋雞蛋和雞肉，份量很大。卡邦尼意粉：煙肉咸香惹味，意粉煮得恰到好處，而且索滿芝士醬汁，口感飽滿有彈性，簡單又美味。菠菜意大利燴飯：意大利飯煮得軟硬度適中，入口奶滑煙韌，帶啖啖濃郁芝士味，連素食者也可享用，味道有驚喜。Tiramisu：蛋糕質感好軟滑，散發著陣陣芝士味和咖啡味，整體甜而不膩，必點甜品。總結，餐廳既食物和環境，都令我哋感到十分滿意。