鮮寶食店 (已結業)

2年前第一次來，因為是港島人，個陣真的未聽過“粉仔”（小弟寡聞），後來聽熱心的落單阿姐介紹，“粉仔埋粗麵剪短lor”，哈。之後先知原來粉仔是屯門至有的地道美食，也好，如果周街都有得食，反而會少左份特別感覺。（記得之前TVB飲食節目金剛小儀都來過）朋友講的好準確：“粉仔最重要的，是加入粉仔檔自己精製的菜甫， 吃粉仔不加菜甫，就等於蒸魚不用豉油一樣。”而這也正正是吃粉仔的精粹所在。粉仔檔提供兩種菜甫，主要是用冬菜醃製成的調味料，有辣，有不辣兩款任君選擇。今次第二次來，當然熟手好多。大可樂、大粉仔、魚蛋燒賣開始先。粉仔水準依舊，無需多講。因為天熱，一開始落左唔辣菜甫，但始終覺得唔夠喉，所以最終都懶理，大大羹辣菜甫落埋去，頓時鮮味倍增。伴碟有辣魚蛋+燒賣，同埋較新的韭菜餅。韭菜餅絕對無失望，香軟異常。再加餸就不能不提金牌雜錦，有豬皮、豬紅、雞腳、豆卜等8種材料，分量足，超好味！可選湯底、加面或者齋餸。食完埋單80蚊有找，雖然比起前兩年貴左，但是相比其他餐廳仍然好經濟實惠。*環境是攤檔擺設，但更能食到地道的感覺。阿姐招呼幾好，衛生亦都合格。