嘆甜品

營業中

休息中

身為大西北嘅一份子，間唔中都會去屯門搵食，甜品嚟講我就最鍾意去呢一間，就算唔係堂食，以前有車河都會落嚟紅橋呢邊買外賣甜品食，今次就約埋幾個朋友食完飯之後嚟食甜品懷緬一下。🟡岩鹽拖肥Oreo 鮮忌廉窩夫身為Oreo控唔食唔得，窩夫上面灑上拖肥、果仁同埋Oreo，幾個好味元素配搭埋一齊，而窩夫啱啱整起熱辣辣，感覺鬆軟，而雪糕都配返Oreo雪糕，好食。🟠焦糖脆脆花生醬甜奶鮮忌廉窩夫朋友叫咗呢個，見到勁多焦糖脆脆喺上邊，勁邪惡，但好吸引。喺窩夫入邊仲加咗麻糬，一咬落去嗰種煙靭感覺，再加上鬆軟嘅窩夫，多重口感出咗嚟😆😆🟣鐵觀音茶醬麻糬窩夫一嚟到我就即刻講咗句咁少女嘅，有蝴蝶拌碟，仲有啲彩色珠珠好靚咁，麻糬成塊鋪咗喺個甜品嘅中間，仲有啲粉紅色喺上邊，有啲似公主嘅白紗裙🤣🤣鐵觀音茶醬都幾濃。🟢熟食⭐炸燒賣⭐波波拼盤 ⭐鹽酥雞粒⭐港式懷舊咖哩三寶⭐炸雞軟骨⭐脆Q地瓜球叫左好多款熟食，特別推薦港式懷舊咖喱三寶，個醬溝埋豬皮同燒賣，真係好開胃，波波拼盤我哋叫咗麻辣味，不過辣味唔係好濃，啱晒同啲唔係好食得辣嘅朋友share🫶🏻；脆Q地瓜球入邊塞滿滿滿嘅番薯蓉，而且因為啱啱整起晒，好香。🔴飲品我叫咗杯藍天白雲