影片
更多
2020-03-24
63 瀏覽
今日去開屯門，去到Go Go Mall個邊，見呢間食評唔錯，決定一試👍🏻Go Go Mall中間位置有好多小食店，好似Food court咁，我地去既時候都接近9點，過左晚飯時間，而且位置都比較偏遠，所以人流唔多但我地去到象泰，竟然爆場要等位，令我地都幾期待呢餐泰菜😍😍😍餐牌選擇都幾多，小食、沙律🥗、湯、燒烤、海鮮、肉、飯麵、甜品、特飲 樣樣都有花多眼亂🤩🤩🤩店內走泰式風情，主要都係木既坐位我地兩個人都可以坐卡位卡位寛敞，梳化夠大，坐得舒服之餘有一定穩私，傾計唔會俾隔離枱嘈住/聽到👍🏻我地兩個人，唔算非常餓叫左沙律、串燒、咖哩同埋沙冰雖然人多，但野食都幾快到金柚子蝦沙律首先個人欣賞佢放左椰子乾絲係面，食落增加口感之餘仲有陣好香既椰子🥥味蝦夠新鮮，咬落爽口彈牙，玩埋佢酸酸甜甜既醬汁一流另外柚子撈埋蒜片同醬汁，非常惹味開胃味道調配得幾好，夠味之餘唔會過濃，而且完全唔辣唯一小問題係柚子有少少苦，但整體而言非常不錯，係好開胃既沙律串燒沙嗲 ⭐️推介無牛肉揀，特地揀左3豬3雞雖然價錢唔平，但質素有驚喜到我應該係我食過數一數二既串燒😍😍😍首先串燒試到黎熱辣辣，仲要大大串燒到金黃又啖啖肉咁已經食指大動
Go Go Mall中間位置有好多小食店，好似Food court咁，我地去既時候都接近9點，過左晚飯時間，而且位置都比較偏遠，所以人流唔多
但我地去到象泰，竟然爆場要等位，令我地都幾期待呢餐泰菜😍😍😍
餐牌選擇都幾多，小食、沙律🥗、湯、燒烤、海鮮、肉、飯麵、甜品、特飲 樣樣都有
花多眼亂🤩🤩🤩
店內走泰式風情，主要都係木既坐位
我地兩個人都可以坐卡位
卡位寛敞，梳化夠大，坐得舒服之餘有一定穩私，傾計唔會俾隔離枱嘈住/聽到👍🏻
我地兩個人，唔算非常餓
叫左沙律、串燒、咖哩同埋沙冰
雖然人多，但野食都幾快到
金柚子蝦沙律
首先個人欣賞佢放左椰子乾絲係面，食落增加口感之餘仲有陣好香既椰子🥥味
蝦夠新鮮，咬落爽口彈牙，玩埋佢酸酸甜甜既醬汁一流
另外柚子撈埋蒜片同醬汁，非常惹味開胃
味道調配得幾好，夠味之餘唔會過濃，而且完全唔辣
唯一小問題係柚子有少少苦，但整體而言非常不錯，係好開胃既沙律
串燒沙嗲 ⭐️推介
無牛肉揀，特地揀左3豬3雞
雖然價錢唔平，但質素有驚喜到我
應該係我食過數一數二既串燒😍😍😍
首先串燒試到黎熱辣辣，仲要大大串
燒到金黃又啖啖肉咁已經食指大動👍🏻
咬落雞串非常滑嫩juicy，唔會好似平時出面食既串燒又柴又乾
豬肉相比雞肉無咁滑嫩，但豬肉味濃，都係水準之上
串燒火喉控制好好令肉質有水準，另外高味都值得一讚
每啖都係好香既香草味同香料味，同時又有燒烤特有既香味，食完3串都意猶未盡😆
焗黃咖哩麵包軟殼蟹
上到黎完全係大大個一大份
麵包焗到好香脆，所以切既時候難啲切開
切開之後流晒啲咖哩出黎非常吸引
咖哩配麵包實無輸，麵包外層香脆，內層軟糯點滿咖哩，好好食
但食到最後麵包吸得太多太耐會淋左啲
黃咖哩汁好多，幾香，而且唔辣，岩晒我呢啲一啲辣都食唔到既人😂
但個人會希望咖哩味再香濃啲，咁就更加惹味
軟殼蟹唔係出面食開細細隻一兩啖就你
而係大大隻，成隻蟹分件炸，有成5-6大舊
食得好開心🥳軟殼蟹炸得香酥鬆脆，雖然配咖哩但咬落都仲有陣陣蟹香味，幾好食
配料有洋蔥🧅、三色椒，可惜無薯仔🥔
西瓜🍉沙冰
係加左芝士奶蓋既西瓜🍉沙冰
芝士奶蓋迷既我見到即叫
芝士奶蓋唔算濃，但幾香滑
西瓜沙冰夠香甜，食到偏濃味偏重口味既泰菜，飲番杯清新既西瓜沙冰舒服晒👍🏻
總括而言，價錢正常，食物有水準，坐得舒服，傾得舒暢，食得開心😃
張貼
