海圖 (已結業)

不久之前曾經睇過海圖既專訪, 已經心動, 今日終於的起心肝, 位置不算難找, GOOGLE 一下就到。室內空間較細小, 但見佢都有特別粉飾過, 食物款式雖少, 但每款你都想心思思試一試。ORDER咗個傳統意式香草腸意粉, 用咗扁意粉, 軟硬適中, CREAMY度相當豐富, 份量十足, 味道香濃做到專業水準喎。嚟得CAFE點都要ORDER杯試試ICE MOCHA, 單睇都已經討人歡喜, 唔太甜入口偏重咖啡味。雖然MOCHA上既唔算係拉花, 但見佢哋杯杯上枱既咖啡都有唔同既拉花或者造型, 都睇得出佢哋既心思同創意, 本地小店中值得支持。