影片
更多
2024-02-01
73 瀏覽
肥仔見置樂開咗呢間感覺幾傳統嘅西餐廳，有法國生蠔買三送一，一於俾個機會佢試吓。🍽️法國Taylie生蠔🍽️蠔肉飽滿，海水味適中，回甘強，餘韻帶榛子香味。老闆娘suggest配埋買一送一嘅house wine白酒，比較fruity, 加強咗生蠔入口嘅鮮味。🍽️龍蝦湯🍽️一入口已經感受到蝦殼蝦膏打岀嚟嘅顆粒感。蝦味濃稠，又有龍蝦肉同洋蔥，口感豐富。🍽️西班牙燒乳豬🍽️乳豬皮烤得好輕薄香脆，但入面嘅肉鬆軟幼嫩，油脂適中不乾不油，juicy。配上薯蓉同燴煙肉酸菜，三者互相配合，味覺口感平衡。🍽️薯仔麵團配番茄蘿勒醬🍽️Gnocchi 薯仔麵團外皮一面用pan煎到微焦，有一層薄脆外殼，口感煙韌，但內裏保持香滑。蕃茄蘿勒汁味道酸甜，又有風乾茄增強蕃茄香味，濃淡適中。🍽️巴伐洛娃蛋白餅屯門甚至香港都好少有賣嘅Pavlova！上層係酥脆嘅蛋白霜，中層塗上sharp醒嘅熱情果雪糕，底層係空氣感鬆軟蛋白，層次感豐富。最上面配上生果，加埋酸甜嘅熱情果醬，平衡咗前邊菜式濃郁嘅口味。總結，十分難得喺屯門食到酒店級嘅西餐。餐後同大廚兩夫婦傾了一陣，了解到佢哋係用心製作嘅小店，即使晚市能做一輪，都堅持要即叫即整，讓客人享受到熱辣辣嘅
🍽️法國Taylie生蠔🍽️
蠔肉飽滿，海水味適中，回甘強，餘韻帶榛子香味。老闆娘suggest配埋買一送一嘅house wine白酒，比較fruity, 加強咗生蠔入口嘅鮮味。
🍽️龍蝦湯🍽️
一入口已經感受到蝦殼蝦膏打岀嚟嘅顆粒感。蝦味濃稠，又有龍蝦肉同洋蔥，口感豐富。
🍽️西班牙燒乳豬🍽️
乳豬皮烤得好輕薄香脆，但入面嘅肉鬆軟幼嫩，油脂適中不乾不油，juicy。配上薯蓉同燴煙肉酸菜，三者互相配合，味覺口感平衡。
🍽️薯仔麵團配番茄蘿勒醬🍽️
Gnocchi 薯仔麵團外皮一面用pan煎到微焦，有一層薄脆外殼，口感煙韌，但內裏保持香滑。蕃茄蘿勒汁味道酸甜，又有風乾茄增強蕃茄香味，濃淡適中。
🍽️巴伐洛娃蛋白餅
屯門甚至香港都好少有賣嘅Pavlova！上層係酥脆嘅蛋白霜，中層塗上sharp醒嘅熱情果雪糕，底層係空氣感鬆軟蛋白，層次感豐富。最上面配上生果，加埋酸甜嘅熱情果醬，平衡咗前邊菜式濃郁嘅口味。
總結，十分難得喺屯門食到酒店級嘅西餐。餐後同大廚兩夫婦傾了一陣，了解到佢哋係用心製作嘅小店，即使晚市能做一輪，都堅持要即叫即整，讓客人享受到熱辣辣嘅新鮮食物。
喺屯門用平民價錢食到如此高質的西餐，絕對推薦！
張貼
