很得輝 (金滿閣)

營業中

休息中

講到屯門名物，一定唔少得生炸雞髀「很得輝」。作為屯門人嘅我，已經食過無數次。直到老細開左大角咀分店，我覺得質素有稍為唔同之後，就少左食嚕。舖頭位置比較遠離市中心，唔太方便，所以難得經過就食下佢，有需要可以打電話落定單。太耐冇食由幾年前$28加到$35，都明白物價貴左。竟然見到係老細開店！！！所以更加要買黎食，希望老細可以返多啲屯門店🥲🥲皇牌生炸雞髀 $35 真係世一炸髀，即叫即炸熱辣辣炸雞髀，肉質超嫩滑，一咬落去超多肉汁爆晒出黎。炸粉唔會太厚，炸到超級鬆脆，回憶嘅味道返曬黎。舖頭有提供調味粉比你揀放喺枱面任你落，辣粉仲有寫明辣度，食得辣可以揀死神辣粉。