影片
更多
2024-01-06
13 瀏覽
老婆話想食壽司刺身，咁啱唸起景峰輕鐵站對開有間壽司外賣專門店，平時行開行埋見到門面好靚，而且食物選擇好似好多，一於行過去幫親下。由於order的壽司都係即時手握製作，大概需要等10-15mins，但睇住壽司師傅製作，感覺好似去左日本咁！返到屋企，老公即刻開檯食，見到d食物都覺得開心。我地叫左半磅三文魚刺身，d三文魚好新鮮肥美，睇個顏色都知道新鮮，味道好過某連鎖壽司店。另外叫左個火炙三文魚飯，最好食的唔係d三文魚，反而係d飯，壽司醋的比例唔錯，靜係食飯都覺得好好味，我覺得個師傅應該係轉研過！壽司方面，我地叫左個芝麻鰻魚反卷，吞拿魚壽司，花之戀，香蔥吞拿魚腩壽司，腐皮芝士蟹籽，三文魚腩壽司。手握壽司個飯細細粒，壓得幾實，唔會一夾就散，而且d飯真係好好食。三文魚刺身同花之戀都係厚切，咬落去成口三文魚，感覺好幸福。至於我最欣賞的係個腐皮芝士蟹籽，d蟹籽好多好多，而且外面好少見，同腐皮咬落去有汁，個味好夾，好正，推介！最後到小食，我地叫左個炸蠔同炸魷魚。店主好細心咁將d外賣盒剪開個口，拎到返屋企大概都要半小時，不得不讚仲保持到脆口，同堂食分別唔大！而且兩種炸物都好香口，味道一流，尤其個魷魚，好有
由於order的壽司都係即時手握製作，大概需要等10-15mins，但睇住壽司師傅製作，感覺好似去左日本咁！返到屋企，老公即刻開檯食，見到d食物都覺得開心。
我地叫左半磅三文魚刺身，d三文魚好新鮮肥美，睇個顏色都知道新鮮，味道好過某連鎖壽司店。
另外叫左個火炙三文魚飯，最好食的唔係d三文魚，反而係d飯，壽司醋的比例唔錯，靜係食飯都覺得好好味，我覺得個師傅應該係轉研過！
壽司方面，我地叫左個芝麻鰻魚反卷，吞拿魚壽司，花之戀，香蔥吞拿魚腩壽司，腐皮芝士蟹籽，三文魚腩壽司。手握壽司個飯細細粒，壓得幾實，唔會一夾就散，而且d飯真係好好食。
三文魚刺身同花之戀都係厚切，咬落去成口三文魚，感覺好幸福。
至於我最欣賞的係個腐皮芝士蟹籽，d蟹籽好多好多，而且外面好少見，同腐皮咬落去有汁，個味好夾，好正，推介！
最後到小食，我地叫左個炸蠔同炸魷魚。店主好細心咁將d外賣盒剪開個口，拎到返屋企大概都要半小時，不得不讚仲保持到脆口，同堂食分別唔大！而且兩種炸物都好香口，味道一流，尤其個魷魚，好有魷魚味，唔捨得吞落肚，哈哈！
等緊壽司期間，同店主傾左陣計，店主人好nice同好有耐性，又會好有熱誠咁介紹d食物。其實有時呢d小店就會俾連鎖店多一份人情味，而且食物質素同味道唔會輸大連鎖，大家有機會都去支持下！除左外賣壽司刺身之外，店內有售賣日韓零食同護膚品，佢地有做埋代購日韓商品，貨價上面的貨都可以直接買。
最後發現外賣入面有兩張宣傳單張，原來佢地有做埋雞煲同羊腩煲，睇返其他人d食評，羊腩煲的comment好好咁。下次天氣轉凍，我會再幫親一下個羊腩煲！
張貼
