Hakata Concepts

👦🏻同爸爸去完屯門拎貨，就帶左爸爸去試下Hakata Concepts既日式set，呢間餐廳外面佈置精美，鐵板燒set包括左茶碗蒸、帆立貝四元豚、櫻花蝦炒飯、漬物湯品，另外再加多左個博刺身拼盤。🌟茶碗蒸茶碗蒸食落去真係好正，蒸蛋香滑，仲有海帶等配料，口感獨特。🌟帆立貝四元豚四元豚真係打破左我一直對豬肉既概念，四元豚黎自日本北海道，由日本四個最佳豬種混種育成（長白豬，大約克郡，杜洛克和伯克郡），食落去豬肉味濃，完全無豬羶味，肉質鮮嫩有彈性，配上昆布鹽黎食真係一流；而帆立貝就新鮮，咬落面層微脆，值得推介！🌟櫻花蝦炒飯食落櫻花蝦脆口帶香份，份量充足，炒飯粒粒分明，新鮮即炒食落極香！🌟漬物湯品漬物同麵豉湯食落味道不錯，剛好用黎解膩。🌟博刺身拼盤博刺身拼盤包括三文魚、甜蝦、帶子、油甘魚同埋真鯛，整體刺身新鮮，食落無雪味，比較值得推介三文魚，食落夠哂肥美！