Neko Puff (已結業)

最近久違地入屯門探朋友。見到屯門市廣場有間店鋪專門售賣拿破崙，首創一小時即叫即焗拿破崙，大部分材料都係由法國直送，仲攞咗獎㖭。由於媽咪就黎生日，我就揀咗兩種口味既拿破崙同佢慶祝，拿破崙都有足足一磅，份量足夠分畀二至四個人食用，正好可以成屋企分享。<伯爵茶無花果拿破崙x鮮芒果拿破崙>今次叫嘅鴛鴦口味分別為伯爵茶無花果同埋鮮芒果。拿破崙相當鬆化，咬落去酥皮一層層，唔會乾身𠝹口，三層酥皮之間充滿咗伯爵茶cream，伯爵茶一啲都唔heavy，茶味濃郁得嚟唔會太甜，亦都起咗濕潤酥皮嘅作用。拿破崙表面同埋中間啲cream都有無花果肉，芒果肉好清甜，同伯爵茶cream配搭好夾。