影片
更多
2011-04-25
25 瀏覽
見今日係復活節最後一日，我建議中午唔好煮飯，走去屋企附近一間新開嘅點心小店<點心友>飲茶；呢類型嘅點心小店開到成巷成市，繼<添好運>及<一點心>榮獲＂美芝蓮＂推介之後，不知下次會係邊間點心小店呢？點心小店努力呀！點心小店比較酒樓優勝之處，相信係用料新鮮！以蝦為例，酒樓多以雪藏蝦；點心小店則用新鮮蝦，所以，蝦餃係必點之選！今日始終係假期，就算個舖位唔就腳，12:00 後，我哋一行 3 人都要等 5~6 張，足足等咗 15 分鐘。門口位女店員好有禮貌，不斷向各等候食客道歉，唔好意思要等一陣。 先叫 Number ，話聲俾食客知張枱 set up 緊要等多一等，都 OK 啦！話哂做街坊生意。由於，點心係即叫即蒸，需時15 分鐘；換言之，總共等足 30 分鐘！只有蒸飯嘅供應時間：早上 10:30 ~ 下午 5:00，晚市同樣有點心供應，只係以煲仔飯代替蒸飯。營業時間：早上 10:30 ~ 晚上 11:00 ( 下午 5:00 ~ 6:00 休場 )呢度中式裝潢，相當骨子！牆上掛著紅黑色仿剪紙圖案畫，簡單別緻！ 可惜，場內十幾張枱，有 1 張大圓
點心小店比較酒樓優勝之處，相信係用料新鮮！以蝦為例，酒樓多以雪藏蝦；點心小店則用新鮮蝦，所以，蝦餃係必點之選！今日始終係假期，就算個舖位唔就腳，12:00 後，我哋一行 3 人都要等 5~6 張，足足等咗 15 分鐘。
門口位女店員好有禮貌，不斷向各等候食客道歉，唔好意思要等一陣。 先叫 Number ，話聲俾食客知張枱 set up 緊要等多一等，都 OK 啦！話哂做街坊生意。
由於，點心係即叫即蒸，需時15 分鐘；換言之，總共等足 30 分鐘！
只有蒸飯嘅供應時間：早上 10:30 ~ 下午 5:00，晚市同樣有點心供應，只係以煲仔飯代替蒸飯。
營業時間：早上 10:30 ~ 晚上 11:00 ( 下午 5:00 ~ 6:00 休場 )
呢度中式裝潢，相當骨子！牆上掛著紅黑色仿剪紙圖案畫，簡單別緻！ 可惜，場內十幾張枱，有 1 張大圓枱，以 4 人枱為多，頗為擠迫！缺乏空間感！
全店全日免收加一服務費，明碼實價！夠均真！ 茗茶：$2 / 位，奉上茶包 ( 鐵觀音 / 普洱 )
點心不設大中小點，由 $10 ~ $28 不等。可分為六系列：蒸點系列、煎焗系列、手拉腸粉、蒸飯、精緻包點、精美甜點。
<蒸點系列>
至尊鮑魚燒賣 ( 2 件 ) $28
全店最貴嘅點心，必要一試！ 以一個小橢圓形蒸籠盛住兩件鮑魚燒賣，相當精緻！雖然鮑魚仔屬罐頭貨色，但原隻仍食得出爽口甜美！黃色燒賣皮包住 2~3 隻鮮蝦，混入一點豬肉，鮮甜無比！ 值得推介！
另有鵪鶉蛋燒賣 $14及蟹籽燒賣 $18。
超級蝦餃皇 ( 2 件 ) $14食燒賣點可以唔試埋蝦餃呢？蝦餃皮晶瑩剔透，皮薄餡靚呢點做到！不過，用筷子一夾，皮已經爛咗！ 證明皮未夠煙韌！內有2~3 隻鮮蝦，爽口彈牙！
上湯杞子鮮竹卷 ( 3 件 ) $16 一人一件唔使爭！ 可見上湯唔係好油，比酒樓略勝一籌！杞子尚有甜味，鮮竹卷餡料係紅蘿蔔絲、西芹、豬肉、肥豬肉。味道調教得不錯！
古法糯米雞 $18媽咪話古法糯米雞包括：燒肉1件、叉燒1件、4 份之1隻雞蛋、臘腸1件及些少雞肉。<點心友> 嘅糯米雞未及古法糯米雞豐富！ 只有：臘腸1件、些少雞肉及鵪鶉蛋1隻；糯米份量算多！煮得較為濕腍！ 亦唔會太咸！味道可以接受！
<手拉腸粉> 包括：香茜叉燒腸 $15、梅菜牛肉腸 $15、春風得意腸 $18 及珍寶鮮蝦腸 $20
春風得意腸 $18
以一個長碟上枱，腸粉一開六件，夠特色！腸粉雖然厚如河粉，但係勝在夠滑！ 原來包住炸得金黃鬆脆嘅春卷，春卷入面係芋頭絲及白蘿蔔絲！餡料加入五香粉，十分惹味！ 灑上一些蔥粒可增添香味！只略嫌豉油落得太少！
<蒸飯> 包括：鳳爪排骨飯、煎蛋牛肉飯、臘腸蒸滑雞飯、咸蛋肉片飯，各 $18。
鳳爪排骨飯 $18
Size 好似中湯碗咁大，好抵食！ 可要求店員分開上豉油。鳳爪只得1隻，軟腍入味！好食！排骨份量唔算少，起碼 5~6 件，用上新鮮排骨，略帶肥肉，肉質鮮嫩亦夠入味；白飯表面軟硬適中！中間比較腍！
<精緻包點>包括：懷舊馬拉糕 $12、北菇雞包仔 $12、蜜汁叉燒包 $14、流沙奶黃包 $14、鮮奶蒸饅頭 $10 及潮式糯米卷 $12。
流沙奶黃包 ( 3 件 ) $14
3 個細小白雪雪嘅奶黃包，包質鬆軟！我最遲食呢樣，仍帶有微暖，一咬開，有點流沙感！滑溜奶黃混入切得細細粒嘅咸蛋黃粒，與微甜白色包，起中和作用！
此外，有罐裝汽水 $8 ( 可樂、雪碧、忌廉、芬達 ) 。天氣熱飲汽水最適合不過！<點心友> 用料新鮮！食物即叫即蒸！令首次幫襯嘅我們相當滿意！
埋單 $140
張貼
