貓毛

營業中

休息中

貓毛 (屯門)屯門青棉徑3號好勝大廈地下低層1B-1C號舖一定要提一提大家嘅係，呢個轉套餐係唔洗加錢轉到指定嘅啤酒架！中意啤啤佢再食個burger嘅為食豬真係要留意下!貓霸漢堡 $57 +$15轉套餐 配薯條🍟呢個係雙層芝士牛肉包配蜜糖芥末醬！！我地見夜晚6點唔算好熱揀左堂食，希望食到個包最原好食嘅味道！店家用牛油紙包好拎過黎，一黎外觀幾靚，二黎唔會浸淋浸穿張紙，非常細心。而個包有烤焗過，外層脆脆入邊熱辣辣，牛肉表面烤得焦脆有口感，牛肉味幾香，而菠蘿令到個包變得甜甜地又juicy，芥末醬微微辛辣，食落幾惹味。係一個超經典又好食嘅包。薯條就好似以前士多食炸薯條嘅口味咁，波浪紋薯條炸到香脆，表面再有加鹽調味，食完回憶就番曬黎😂！加菲漢堡 $55 +$15轉套餐 配薯餅呢個就幾特別，係一個雙層芝士豬肉配將軍醬嘅漢堡！豬肉漢堡嘅口感比較結實，肉感會比較重，份量比牛較多，豬肉漢堡中間會有黑胡椒，微微嘅辛辣增加風味，芝士嘅微鹹味呢個包都會相較突出，最主打嘅將軍醬嘅甜度岩岩好，同豬肉嘅相性都好好，值得試試，唔會失望！！薯餅比一般嘅大塊，厚度適中，所以薯仔顆粒感會更突出。性價比都更高。