榮少喇沙 (已結業)

燒雞喇沙🥢話明「榮少喇沙」，喇沙固然係招牌菜，湯底有香濃嘅椰香同香料味，真材實料👍本身以為會係燒雞扒，原來係雞件，賣相雖然普通，但係雞肉仍然juicy頗滑旁邊嘅薑蓉甚有驚喜，佢唔係平時嗰啲得個鹹字，而係真係食到薑嘅新鮮原味，唔會太鹹😋粉麵選擇都幾多，一般嚟講摻摻係指油麵溝米粉，但係依度仲可以揀瀨粉溝米粉，米粉幼身能吸收湯底嘅精華，瀨粉爽滑，口感雖然不及油麵彈牙，但係就會比較順喉，幾欣賞瀨粉溝米粉依個組合🥢 手工蝦多士🦐蝦多士係一口size，上面有原隻鳳尾蝦，多士望落比一般嘅厚身，所以除咗食到脆脆嘅外層，仲有麵包嘅鬆軟🍞奇亞籽檸檬薏米水🍋薏米水係固定甜度，唔會太甜，帶微微嘅檸檬酸味，底下奇亞籽、薏米嘅份量都足夠，幾有咬口，可以清熱解渴!店舖貼心咁提供風扇仔，食到熱辣辣嘅時候最啱用~