八月 (已結業)

飲茶多數都唔會太座位寬敞，八月相較其他酒樓精緻啲，乾淨啲，服務好啲。黃金翡翠豆腐無影相，但非常推介。炸過的黃金外層帶鹹蛋黃味，薄薄的一層酥脆，中間滿滿的綠色夾心，連豆腐都是綠色的，左一半翠綠色，右一半湖水淡綠，質地就像牛油果的 creamy 。但炒飯豉油味多咗啲，鹹同埋多油咗。望一望佢個底，全部都係油，一啲都唔乾身。喂呀哥！你炒飯嘛，唔係油浸飯喎。去八月點蒜香一口牛好基本囉。牛肉吸收了惹味蒜香，味道自帶脂香，肉質有嚼頭。布拉腸粉也是名物，必吃綿滑粉皮的質地脆脆哋整條食，啲蝦肉餡由頭帶到落尾。點綠色醬好似無咁寡，雖然綠色，但同沙律醬分別唔大。