影片
更多
2014-12-01
1317 瀏覽
屯門探親後搵地方晚飯醫肚, 發現富健馬路邊有數間路邊檔, 係呢間人頭湧湧, 就決定响度等下位, 本來諗住要等好耐, 最後都係等左10分鐘就有位。魚腩蠔仔粥($29)好大碗，蠔仔隻隻都漲卜卜，魚腩又大大舊，味道有點偏淡，但薑絲十足，很不錯。椒鹽雞翼尖($28)，有15隻左右啦，雞翼尖醃得好入味，雞皮炸得香脆，加上有少辣既炸蒜，好惹味既一碟。雙料煲仔飯($34)即叫即做，需時10-15分鐘，臘鴨＋滑雞好好味，臘鴨咸咸香香，沒有鴨羶味，份量很足，焗佢一陣先開蓋，加上煲仔飯的豉油，有少少飯焦，香口美味。酸菜腩肉炒米線($30)，大大碟都几辣，米線淋左少少，加上酸菜味道ok，腩肉片都有6-7塊, 都算係咁。
魚腩蠔仔粥($29)好大碗，蠔仔隻隻都漲卜卜，魚腩又大大舊，味道有點偏淡，但薑絲十足，很不錯。
椒鹽雞翼尖($28)，有15隻左右啦，雞翼尖醃得好入味，雞皮炸得香脆，加上有少辣既炸蒜，好惹味既一碟。
雙料煲仔飯($34)即叫即做，需時10-15分鐘，臘鴨＋滑雞好好味，臘鴨咸咸香香，沒有鴨羶味，份量很足，焗佢一陣先開蓋，加上煲仔飯的豉油，有少少飯焦，香口美味。
酸菜腩肉炒米線($30)，大大碟都几辣，米線淋左少少，加上酸菜味道ok，腩肉片都有6-7塊, 都算係咁。
題外話/補充資料：
雖然樓面得２個人，要招呼20几張枱, 但都好快手好有禮貌, 讚!
(以上食評乃用戶個人意見 , 並不代表OpenRice之觀點。)
張貼
