堅韓燒 (已結業)

今日朋友帶我去到屯門華都花園個商場2樓既堅韓燒， 餐廳都幾大，冷氣夠，坐得好舒服。餐廳入面可任取飲品，前菜，醬料，燒烤肉類、蔬菜同埋甜品。飲品除咗汽水仲有牛蒡茶，荔枝烏龍茶，好特別!我地揀咗體驗和牛餐 $298/位，和牛肉質同賣相都幾好，咬入口感覺都好正!餐牌上有好多項目可以任點，有牛，有豬，有雞同海鮮。如果唔想燒仲有特色小菜或者熟食，例如:泡菜餃子，炒年糕，炸雞，好有特色。食到最後當然唔少得甜品，依到D雪糕杯好好味，當中我非當推薦海鹽味既雪糕!