九重町日本料理 (已結業)

對於九龍人來講新界已經係一個非常之神秘嘅地方，仲要係藍地更加係一個更神秘嘅地方，其實今次搵到依間餐廳係因為我哋啱啱喺屯門行完山然之後打算出返市區嘅時候搵到嘅一間餐廳。餐廳喺輕鐵站行過去大概五至10分鐘其實餐廳嘅感覺都好新淨，應該都係開咗冇耐。嗰日我哋平日去食，但係出乎意料之外地餐廳都幾多人下大多數都係一家大細。好好彩今次唔使等位，坐低左之後我哋就叫咗好多款唔同嘅壽司，我哋最鍾意嘅壽司分別有劍魚壽司,三文魚腩壽司,油金魚壽司,同埋鰻魚壽司同埋餐廳有一份好出名嘅卷物就係牛油果軟殼蟹反卷，價錢唔貴但係份量勁多感覺好抵食然之後我哋就帶咗一個鰻魚炒飯同埋一個豚肉鍋，鍋入面有好多唔同嘅蔬菜同埋菇，所以都食得幾飽下重點係餐廳嘅食物價錢非常之親民貼地要車食咗咁多款唔同嘅壽司都食到非常之滿足，估唔到去到屯門藍地一啲咁偏僻嘅地方都可以搵到一間咁特別同埋咁親民嘅餐廳，餐廳非常之適合家庭聚會食飯。