串囍

營業中

休息中

無意中發現呢間串燒小店，星期五放工同老公試吓，結果有驚喜。日本厚切牛舌心串店員推介牛舌的一定要試。一串有3件，肉汁好豐富Juicy，外脆內軟厚度也十足，果然冇介紹錯，牛舌迷一定要試。羊架羊架好肥美，嫩滑厚肉，而且調味唔會太濃，好啱我口味，帶羊香味又唔會太騷。珍寶生蠔珍寶生蠔有我手掌咁大，一上碟已經好開心。放左好多蒜頭和蝦乾好香，略嫌蒜頭比較生有啲辣。但生蠔燒得剛剛好唔會太熟，一咬就超juicy。西班牙黑豚腩串厚厚的黑豚腩肉，軟腍且肉味香濃，爽滑而不油膩，好正。其餘燒鱔串，雞心串，雞軟骨和茄子都係好好味道。仲有好多想試，下次要約多幾個朋友飲酒傾偈。佢每晚10點後啤酒買2送1，另外仲推出限定星期 2、3、4  串囍超串套餐，可以encore。