Peloton (已結業)

今日約左我既大學同學食嘢聚舊，因為大家都住屯門，所以揀左間位於屯門既café試試佢☺️ 不過雖然我係屯門住左好多年，但係我係好少去屯門泳池呢邊覓食。可能因為相繼有新樓盤落成，呢度既食肆同配套都比以前多左好多。餐廳開12點，我大概11:55左右到，都見到有人排隊等開門，都幾旺場。好彩今日天氣唔錯，如果落雨就會狼狽d。烤大啡菇安格斯牛肉漢堡包拌薯條 ($98)麵包唔係硬角角既質感，係幾易咬，而且頂部有黑白芝麻，令味道多d層次同口感。中間有大啡菇、牛肉、蕃茄、芝士、酸瓜等等，佢地既濕潤程度又未去到乾，不過如果可以juicy d會更好。同埋個burger未去到好熱，所以中間塊芝士未完全熱到熔就上枱。Iced Matcha Latte ($46)呢杯matcha latte🍵上枱時係有分層的，上層係抹茶，下層係牛奶，大概1:2的比例。攪均左之後甜度適中，不過我覺得我偏好多抹茶既matcha latte，我估計1:1就最岩我。