炑八韓烤 (屯門市廣場2期)

營業中

休息中

屯市見到呢間餐廳星期一至五8:30後單點燒肉熟食飲品可享黑夜半價優惠，覺得非常抵食😋我地一坐低店員已經整定爐邊蛋同芝士粟米，然後前菜都逐一上，食囇仲可以再添食，呢樣野絕對可以加分。蔥蒜牛五花🥩 $138/10件牛肉軟滑配上蔥蒜調味更添層次，一個眨眼已經清左一碟。炑八厚切五花腩🐖 $138肥瘦相間嘅五花肉店員會幫手燒。店員會燒到脆卜卜包埋生菜同店面調配嘅醬汁簡直係一絕。難怪係必點之選。大八爪魚🐙 $98大大隻八爪魚一上枱已經好震撼，店員仲好親切幫我地煎開方便燒。八爪魚食落好juicy爽口。韓式紅蝦🦐 $88/3隻新鮮嘅紅蝦一搣開個頭蝦膏已經湧出嚟，加上大大隻蝦肉啖啖肉，大滿足😌泡菜煎餅🫓 $98 煎到脆卜卜，泡菜味酸酸辣辣更加開胃🤤韓國水冷麵🍜 $88喺呢啲炎熱嘅天氣食返碗水冷麵真係透心涼啦！麵條爽口配上芥末醬同醋更好食😋唯一缺點就係店員如果可以係整之前剪一剪麵條就容易啲夾。青檸梳打+菠蘿梳打🍸 $38青檸酸酸mei mei加上梳打好清新。菠蘿味十足杯入面仲有一片菠蘿。邊食邊飲好解膩有refresh嘅感覺。