宏鮨芯日本料理

營業中

休息中

自從搬左出屯門後好少再黎青善街，今日來屯門探老朋友，順便過來青善街食街揾食，疫情後有幾間食店都轉左，見到街頭有間新開日本餐，就俾佢門面吸引住，好有日本feel，原本以為會好貴，望望佢地餐牌有刺身寿司熟食串燒，有日本豐洲直送飛機魚...另外亦有一人前晚餐，大約七八十蚊，價錢大眾化，因為朋友同我都非常中意食魚生，就試下佢地特上刺身盛合，有幾款飛機魚牡丹蝦同海膽，刺身全部好新鮮有質數，另外再叫牛油果軟殼蟹卷，油甘魚鮫，最後再叫左佢地招牌自家制蟹膏蟹肉玉子，即叫即整，熱辣辣，超正，果然係招牌菜，總括黎講喺屯門好有驚喜，下次入屯門一定會再黎，約多D朋友試下佢地其他野食，期待下一次。