影片
更多
2023-10-21
483 瀏覽
今晚 👧🏽 想食台灣嘢，近近哋揀咗老媽拌麵 。屯市呢間老媽拌麵係Open Area，感覺開揚 。揀咗二人套餐，前菜包兩款小食、一個拼盤、兩個主菜同甜品飲品 ，然後再加多咗個菜 🥬用QR code落完單，好快就上咗兩小碟 。一碟係香辣四季豆 🌶️ 香辣惹味 ；另一碟就係冷盤蕃茄仔 🍅 酸酸甜甜，十分開胃拼盤就揀咗路邊小吃拼盤 🍡 有花枝丸、台灣腸同豆乳香香雞 。花枝丸同台灣腸就正常發揮 。見到炸雞同一碟醬汁，仲諗緊咩係豆乳香香雞 🤔 一試個醬就明白了，係腐乳醬，配上炸雞十分鹹香惹味👧🏽 主菜揀咗西紅柿慢煮牛肋條配珍珠米飯 。配菜十分豐富，有白紅蘿蔔同蕃茄 🍅 醬汁蕃茄味濃郁，如果再多啲汁送飯就一流了🤭 牛肋條分量頗多，亦出乎意料地軟腍入味，頗為驚喜👍🏻👦🏻 就揀咗私房花雕雞拌麵 。上菜時見到顏色有點淡同較乾身，還以為會麻麻哋 。但係原來麵底仲有拌麵醬汁🥢嫩滑唔柴嘅雞肉加上小量花雕酒同藥材味🫚完全唔淡仲重油香好惹味 ，送刀削麵一流 ，大大啖十分滿足 。再加上紅蔥蒜醬油生菜，又係營養均衡嘅一餐🤤中途兩杯飲品都陸續上埋，一杯凍百香國寶茶，有豐富嘅百香果，底部就係菠蘿碎🍍飲落清新得嚟又唔太甜 。另
屯市呢間老媽拌麵係Open Area，感覺開揚 。揀咗二人套餐，前菜包兩款小食、一個拼盤、兩個主菜同甜品飲品 ，然後再加多咗個菜 🥬
用QR code落完單，好快就上咗兩小碟 。一碟係香辣四季豆 🌶️ 香辣惹味 ；另一碟就係冷盤蕃茄仔 🍅 酸酸甜甜，十分開胃
拼盤就揀咗路邊小吃拼盤 🍡 有花枝丸、台灣腸同豆乳香香雞 。花枝丸同台灣腸就正常發揮 。見到炸雞同一碟醬汁，仲諗緊咩係豆乳香香雞 🤔 一試個醬就明白了，係腐乳醬，配上炸雞十分鹹香惹味
👧🏽 主菜揀咗西紅柿慢煮牛肋條配珍珠米飯 。配菜十分豐富，有白紅蘿蔔同蕃茄 🍅 醬汁蕃茄味濃郁，如果再多啲汁送飯就一流了🤭 牛肋條分量頗多，亦出乎意料地軟腍入味，頗為驚喜👍🏻
👦🏻 就揀咗私房花雕雞拌麵 。上菜時見到顏色有點淡同較乾身，還以為會麻麻哋 。但係原來麵底仲有拌麵醬汁🥢嫩滑唔柴嘅雞肉加上小量花雕酒同藥材味🫚完全唔淡仲重油香好惹味 ，送刀削麵一流 ，大大啖十分滿足 。再加上紅蔥蒜醬油生菜，又係營養均衡嘅一餐🤤
中途兩杯飲品都陸續上埋，一杯凍百香國寶茶，有豐富嘅百香果，底部就係菠蘿碎🍍飲落清新得嚟又唔太甜 。另一杯就揀咗最新推出沙冰系列中嘅芒果沙冰🥭香濃芒果味，既清新又透心涼 。
埋尾到甜品，一份淋咗朱古力醬嘅雲尼那雪糕球🍨雪糕用上Dreyer’s，頗有誠意。另一個就係草莓檸檬愛玉凍，平時比較少見，為食嘅👦🏻覺得份量可以再多啲 。
主菜飲品都不俗 ，套餐價錢亦唔算貴，值得一試，👦🏻表示仲想回頭試埋其他拌麵 。
張貼
