泓 (已結業)

今次本身book咗間近近哋嘅鐵板燒諗住帶屋企人試吓，順便慶祝細佬生日，但體驗十分差，絕不建議大家貼錢買難受！餐廳唔大，只有10個座位左右，我一早經Whatsapp訂座，一行6人，約咗1點，我哋準時去到但仲未入得，餐廳表示因為上一轉客人因為遲到未完成用餐所以令我哋唔可以準時入座，最後等咗約20分鐘先入到餐廳（位於大街地舖，喺咁熱嘅天氣底下我哋要曬住大太陽等）入到餐廳，職員表示暫時只有5個座位，可以坐住等，我哋黑人問號？？剩低1人冇打算安排比多張櫈我哋，最後我哋要開口問先拎張櫈比我哋有得坐低，安排極差！Book咗位都冇用！食物質素方面：非常一般。· 午餐 / $368 一位有沙律、鮑魚、大蝦、美國西冷、日式炒飯、炒雜菜、麵豉湯、甜品（水果）。明顯地師傅為咗趕時間，將鮑魚同大蝦一齊整同上碟，美國西冷要求5成熟但仍然十分難咬，咬咗好耐都未吞到。最過份係炒雜菜⚠️⚠️⚠️⚠️⚠️居然木魚片有疑似發霉⚠️⚠️⚠️⚠️⚠️完全不能接受，同咗職員講，佢哋表示係魚嘅魚鱗片而不是發霉，但我哋都要求重新再整一份，但第2碟仍然有同樣情況出現，已經唔想再食落去。事後同朋友分享呢件事，木魚片通常以鰹魚乾刨成薄片製成，而鰹魚係「無鱗」