影片
更多
2018-07-11
309 瀏覽
兩公婆帶住BB食嘢，呢處地方細細但裝修幾有心思，環境都算舒適。主要係食日式串燒有另其他鍋物同煲仔飯。自問不是臭米氣嘅人，時間亦尚早，飯就免了。叫咗一堆串燒同炸物小食，兩口子嘆下啤。先來炸池魚仔同雞塊，雞塊好脆都唔鞋口，一啖一舊，池魚有驚喜喎~ 表層香口，有魚味，都係一啖一條，點下蛋黃醬，食得好過癮。薯條係粗身嘅，有咬口，啱炸起熱辣辣，配廚師調較香草mayo, 唔錯。串燒叫咗牛舌，雞腎，雞心，雞肉棒，蘆筍，銀杏，墨魚仔，羊架，全部都有水準喎! 重點講下，牛舌厚切，唔韌有牛味，不過鹽多咗少少。蘆筍清甜無渣脆口，係靚貨。羊架，我唔食羊，睇老公食，見佢咬得好輕鬆，佢話燒到呢個淨返微粉紅嘅成數口感都好軟熟。要推介免治雞肉捧，一舊幾大舊下，咬落好豐富，軟滑雞肉加雞軟骨，食到響口卜卜聲，調味幾好味，唔會過咸，配埋個加咗鮮蛋黃嘅醬油，浸下碌下沾曬響個面重香滑，我女人仔食一舊食咗差唔多成10分鐘。啤酒呢，佢地嘅draught 係比較少地方有嘅Suntory premium lager, 我同老公一黑一白，一人一杯，兩款都幾好飲，屬清爽順喉類，配我哋叫嘅嘢食，係very good。我哋食到成枱清XD呢處重
主要係食日式串燒有另其他鍋物同煲仔飯。
自問不是臭米氣嘅人，時間亦尚早，飯就免了。
叫咗一堆串燒同炸物小食，兩口子嘆下啤。
先來炸池魚仔同雞塊，雞塊好脆都唔鞋口，一啖一舊，池魚有驚喜喎~ 表層香口，有魚味，都係一啖一條，點下蛋黃醬，食得好過癮。薯條係粗身嘅，有咬口，啱炸起熱辣辣，配廚師調較香草mayo, 唔錯。
串燒叫咗牛舌，雞腎，雞心，雞肉棒，蘆筍，銀杏，墨魚仔，羊架，全部都有水準喎!
重點講下，牛舌厚切，唔韌有牛味，不過鹽多咗少少。蘆筍清甜無渣脆口，係靚貨。
羊架，我唔食羊，睇老公食，見佢咬得好輕鬆，佢話燒到呢個淨返微粉紅嘅成數口感都好軟熟。
要推介免治雞肉捧，一舊幾大舊下，咬落好豐富，軟滑雞肉加雞軟骨，食到響口卜卜聲，調味幾好味，唔會過咸，配埋個加咗鮮蛋黃嘅醬油，浸下碌下沾曬響個面重香滑，我女人仔食一舊食咗差唔多成10分鐘。
啤酒呢，佢地嘅draught 係比較少地方有嘅Suntory premium lager, 我同老公一黑一白，一人一杯，兩款都幾好飲，屬清爽順喉類，配我哋叫嘅嘢食，係very good。
我哋食到成枱清XD
呢處重有好多whiskey ,清酒同手工啤咁，下次無同BB同行，可以慢慢飲，就來再試其他嘢。
總括來講，呢處食物唔錯，店員都好友善，店內播輕快悠揚嘅Jazz Music, 係個同朋友飲下酒傾偈嘅好地方。
張貼
