影片
更多
2022-09-10
258 瀏覽
我今日lunch同朋友去咗一間無論環境同埋食物都令人好想打卡嘅餐廳😍，就係喺屯門我想食好耐嘅秋香💛 佢嘅位置有少少格攝喺屯門置樂後面，因為咁岩我有朋友住附近，所以次次經過我都好好奇好想食㗎啦，咁啱今日放假就約fd過嚟試吓佢嘅lunch😋.其實佢一間中日fusion嘅居酒屋🏮入面嘅環境擺設好有日本咖啡室嘅感覺，啲燈飾同裝修好精緻好靚，真係好似返咗鄉下日本咁㗎😍但係佢個名又叫秋香，仲要一入到去就見到佢有個大大塊牌匾寫住「別人笑我太瘋癲我笑他人看不穿」👻玩味十足🤣我見網上啲人個個都話要點佢嘅鹽燒白鱔煲仔飯！我都係衝着呢個而黎🤣另外佢有啲lunch set，聽講佢呢度嘅串燒都出名，我哋就點咗個秋香串燒盛午餐😋.個鹽燒白鱔煲仔飯lunch set（$238)包咗前菜同埋一碗麵豉湯，嘢飲就要加錢，我加咗$15加左個熱嘅百香果青檸烏龍茶。首先佢好快嚟咗個百香果青檸烏龍茶，我本身以為係一杯熱飲咁話點知佢成壺咁上，仲要配咗個小酒杯，好搞笑🤣加$15就有咁大壺，好抵飲喎，同埋酸酸甜甜幾好味！我最期待嘅鹽燒白鱔煲仔飯可能要即叫即煮所以等咗一陣，不過上枱嘅時候真係冒晒煙好熱㗎，同埋佢係用銅煲仔上，所以侍應都好
佢嘅位置有少少格攝喺屯門置樂後面，因為咁岩我有朋友住附近，所以次次經過我都好好奇好想食㗎啦，咁啱今日放假就約fd過嚟試吓佢嘅lunch😋
.
其實佢一間中日fusion嘅居酒屋🏮入面嘅環境擺設好有日本咖啡室嘅感覺，啲燈飾同裝修好精緻好靚，真係好似返咗鄉下日本咁㗎😍
但係佢個名又叫秋香，仲要一入到去就見到佢有個大大塊牌匾寫住「別人笑我太瘋癲我笑他人看不穿」👻玩味十足🤣
我見網上啲人個個都話要點佢嘅鹽燒白鱔煲仔飯！我都係衝着呢個而黎🤣另外佢有啲lunch set，聽講佢呢度嘅串燒都出名，我哋就點咗個秋香串燒盛午餐😋
.
個鹽燒白鱔煲仔飯lunch set（$238)包咗前菜同埋一碗麵豉湯，嘢飲就要加錢，我加咗$15加左個熱嘅百香果青檸烏龍茶。首先佢好快嚟咗個百香果青檸烏龍茶，我本身以為係一杯熱飲咁話點知佢成壺咁上，仲要配咗個小酒杯，好搞笑🤣加$15就有咁大壺，好抵飲喎，同埋酸酸甜甜幾好味！
我最期待嘅鹽燒白鱔煲仔飯可能要即叫即煮所以等咗一陣，不過上枱嘅時候真係冒晒煙好熱㗎，同埋佢係用銅煲仔上，所以侍應都好細心叫我哋小心熱。佢上面鋪有四舊大大嚿嘅白鱔，中間有一隻生雞蛋，上面仲鋪咗啲櫻花蝦同蔥花，見到個賣相都勁想食！
我急不及待咬咗啖一口，好肥美呀！！😍原來佢每舊白鱔都首先燒咗再鋪番上去飯面，所以佢嘅皮好香，肉質真係好嫩好肥美，而且一啲泥味都冇好鮮甜，啖啖肉😋👍
佢啲飯係用日本珍珠米好煙韌，溝埋個蛋黃同埋秘製嘅豉油都好香㗎，同埋食一個煲仔飯嘅重點佢都有就係有～飯～焦！冇錯，飯焦真係一個煲仔飯嘅靈魂，飯焦令到佢啲飯本身煙煙韌韌而家仲多咗一種香脆口感！
一啖飯一啖白鱔，呢個煲仔飯好得呀喂！👍.
另外我哋仲叫咗一個秋香串燒盛套餐（$138）
朋友叫咗一杯凍自家蜜餞青檸西柚蜜，杯嘢飲朋友就話淡咗啲覺得一般，不過佢嘅串燒真係唔錯，一份入面有五串串燒，有燒牛柳粒，雞翼，燒菇，豆腐同枝豆墨魚串，全部都燒得啱啱好多汁唔乾，因為我哋唔係好知邊啲係乜嘢就問個侍應，個侍應都好友善咁同我哋講返因為佢哋嘅豆腐係先炸過再燒所以口感比較特別，同埋個枝豆墨魚串係佢哋師傅自己手打，所以比較實淨，哈哈佢哋嘅侍應都幾有耐性幾好傾😆
.
整體來講食物都幾高質，環境好舒服👍同朋友吹水chill 下真係唔覺唔覺過個咗兩個鐘，係個位置有少少格攝，不過有心搵嘅都應該搵到嘅😉
.
店名：秋香 (康景花園) 💛
地址：屯門青善街38號康景花園地下26-27號舖
張貼
