俺流塩らーめん (V City) (已結業)

話說初七人日可以六點後食飯, 於是就揀咗拉麵店, 唔使點樣排隊就可以入去坐低食。小編點了俺流柚子拉麵同大阪燒餃子, 首先講講柚子拉麵嘅湯底, 係屬於較淡味的, 如果你唔係太鍾意淡味, 而係鍾意濃味湯底嘅拉麵, 就呢一個未必適合你啦, 因為呢一個湯底係屬於清淡好重柚子味, 但我覺得就比我清新的感覺, 間唔使食啲唔係咁濃味嘅湯麵都幾舒服, 拉麵係煙韌適中, 最喜歡佢跟一個流心蛋, 係我最喜愛嘅流心蛋之一, 食落去中間嘅蛋黃汁漏出嚟的, 軟綿綿的。至於大阪燒餃子都幾得意, 好似平時我哋食大阪燒章魚丸一樣, 只不過個主角唔係章魚丸而係餃子, 而木魚花上面係脆脆的, 可以一試。