時光雞 (已結業)

最近周圍喺屯門搵💛小店幫襯，今次專登去到置樂，尋找出名嘅時光雞。位置喺一個商場轉入嘅小巷，如果唔係屯門人，可能有啲難搵，而呢間小店只做外賣。因為第一次幫襯，就請店員推介，店員介紹幾款佢自己喜愛嘅小食，有蜜糖芥末炸雞，忌廉蟹肉薯餅，牛小排餃子同埋香甜蕃薯年糕。其實店員推介流心芝士年糕，但我住得比較遠，怕芝士變凍，所以就無試。坐20分鐘車回家，慶幸食物仲係熱辣辣！炸雞係冇骨嗰種，食落啖啖肉，配上蜜糖芥末醬，非常開胃。忌廉蟹肉薯餅蟹味濃，牛小排餃子外皮非常香脆，牛小排非常惹味，果然冇介紹錯！至於蕃薯年糕，原來係用紫心蕃薯做，用油輕輕炸過，外脆內軟，甜甜地，食到停唔到口，勁鍾意！雖然坊間好多黃店都好伏，但時光雞小店由服務到食物水準都非常之高，不枉我專程去買！