影片
更多
2018-09-01
600 瀏覽
是日放工比較早，於是去咗屯門會合屋企人去食飯，由於佢係康景花園附近，所以想係呢邊解決晚餐再番去。呢頭一帶都幾多日本餐廳同小菜店家，經過呢間「鮨亭」門口餐牌啲晚餐幾吸引就入去睇睇，平日唔算太多人，坐得幾舒服。睇左陣餐牌就柯打咗一個一人前晚餐、鮨亭刺身太卷同三色丼。最先到嘅係太卷，雖然眼下只有四件，但每件嘅份量好大，用咗劍魚、池魚、三文魚、沙律醬菜做餡，都可以話非常足料，碟邊仲有少少柚子汁點蘸，不俗。接住一人前嘅沙律、吉列豬、麵豉湯最先到，沙律菜新鮮，對一人而言份量有多，而且內裡加入咗少許醬汁醋，食落開胃；吉列豬外皮炸得酥脆值得讚，內裡不足係，個人覺得豬肉調味唔夠，點沙律醬食兩舊有啲溜同乾，如果係配吉列燒汁可能更佳。而麵豉湯雖然係易煮嘅菜式，但每間餐廳嘅味道可以各有不同，呢度麵豉湯調味幾濃郁，成晚呢個湯真係功不可抹，有時食魚生都會好溜，飲淡湯消解呢種感覺又可以繼續食。其後賣相絕佳嘅三色丼到，丼飯裡面包括有三文魚籽、吞拿魚魚蓉、同海膽。意想不到地三色丼夠哂多料，一大注海膽係面，簡直大滿足。唔知由幾時開始鐘意食海膽，入口鮮甜濃厚，撈埋飯食一流。間中加少少三文魚籽一齊食，又多一種鮮味，兩個層次。
睇左陣餐牌就柯打咗一個一人前晚餐、鮨亭刺身太卷同三色丼。最先到嘅係太卷，雖然眼下只有四件，但每件嘅份量好大，用咗劍魚、池魚、三文魚、沙律醬菜做餡，都可以話非常足料，碟邊仲有少少柚子汁點蘸，不俗。
接住一人前嘅沙律、吉列豬、麵豉湯最先到，沙律菜新鮮，對一人而言份量有多，而且內裡加入咗少許醬汁醋，食落開胃；吉列豬外皮炸得酥脆值得讚，內裡不足係，個人覺得豬肉調味唔夠，點沙律醬食兩舊有啲溜同乾，如果係配吉列燒汁可能更佳。而麵豉湯雖然係易煮嘅菜式，但每間餐廳嘅味道可以各有不同，呢度麵豉湯調味幾濃郁，成晚呢個湯真係功不可抹，有時食魚生都會好溜，飲淡湯消解呢種感覺又可以繼續食。
其後賣相絕佳嘅三色丼到，丼飯裡面包括有三文魚籽、吞拿魚魚蓉、同海膽。意想不到地三色丼夠哂多料，一大注海膽係面，簡直大滿足。唔知由幾時開始鐘意食海膽，入口鮮甜濃厚，撈埋飯食一流。間中加少少三文魚籽一齊食，又多一種鮮味，兩個層次。個人覺得吞拿魚魚蓉相對上無咁突出。
接住泥咗一大碟鰻魚飯，有點驚訝，份量比想像中大份，並非餐單所寫。可見原來呢個一人前嘅餐，份量其實好多好抵食。家人對個飯讚不絕口，的確調味夠，鰻魚、炒蛋到米飯嘅比例都好均衡，炒得幾香，會推薦食炒飯。
直至當時個刻已經漸見飽腹，但源源不絕地……仲有精選壽司、刺身三點，以及蟹籽蒸蛋！壽司分別有劍魚腩、深海池魚、帆立貝同炙燒鱆紅，飯量同刺身比例剛好，唔會太大舊飯，刺身與飯之間有些少芥末，同係日本食嘅壽司好相似，能夠一啖就食哂。刺身則係劍魚、深海池魚、三文魚腩，整晚食過眾多刺身深海池魚最印象深刻，新鮮唔會好腥，肥美肉嫩。
總結，經濟啲食日本野，會極力推介一人前餐，大份夾抵食。如果兩個人，建議叫多份卷物，大概三四百蚊左右絕對可以食得好飽。
張貼
