影片
更多
2025-01-16
241 瀏覽
深圳四季椰林海南椰子雞係內地開左超過60間直營門店，近排喺Moko開左香港第一分店，而家又喺屯門市廣場開第二分店，屯門友近近哋食到椰子雞，實在太有口福！ 一坐低店員就送上海南特式鷓鴣茶，清香回甘，口感順滑，功效清熱解毒健脾，非常健康養生。點左個原味椰子雞，每個湯底一如以往都用上四個純椰子水，不會另添加水。椰子湯底滾後放入雞件，睇住沙漏煲佢5分鐘就食得，冬天飲多兩碗椰子雞湯特別正。雞係海南文昌雞，皮薄肉嫩有雞味，肥瘦適中，配合靈魂小柑桔沙薑醬汁，鮮味十足。小食香辣魚皮都做得好好，超級爽彈，香辣得嚟骨膠原滿滿。食完雞件飲夠椰子雞湯就落火鍋配料：九秒脆毛肚，非常爽脆。手打黑虎蝦滑都好掂，未煮都見到大大隻黑虎蝦肉，好彈牙。萵筍皇帝菜鮮嫩翠綠，粉糯大芋頭，真如其名，粉糯香甜重芋頭味。火山肥牛，色澤幾靚，唔係好肥幾香牛味。美中不足今次同行朋友胃容納有限，冇點到出名嘅金牌臘味煲仔飯，睇見隔離枱嗰煲煲仔飯勁多料，下次要再嚟
一坐低店員就送上海南特式鷓鴣茶，清香回甘，口感順滑，功效清熱解毒健脾，非常健康養生。
點左個原味椰子雞，每個湯底一如以往都用上四個純椰子水，不會另添加水。椰子湯底滾後放入雞件，睇住沙漏煲佢5分鐘就食得，冬天飲多兩碗椰子雞湯特別正。雞係海南文昌雞，皮薄肉嫩有雞味，肥瘦適中，配合靈魂小柑桔沙薑醬汁，鮮味十足。
小食香辣魚皮都做得好好，超級爽彈，香辣得嚟骨膠原滿滿。
食完雞件飲夠椰子雞湯就落火鍋配料：九秒脆毛肚，非常爽脆。手打黑虎蝦滑都好掂，未煮都見到大大隻黑虎蝦肉，好彈牙。萵筍皇帝菜鮮嫩翠綠，粉糯大芋頭，真如其名，粉糯香甜重芋頭味。火山肥牛，色澤幾靚，唔係好肥幾香牛味。
美中不足今次同行朋友胃容納有限，冇點到出名嘅金牌臘味煲仔飯，睇見隔離枱嗰煲煲仔飯勁多料，下次要再嚟
張貼
