JEP by Involtini

營業中

休息中

朋友話帶我嚟呢間餐廳慶祝生日，話系手工意粉，住屯門既我地當然要嚟試一試啦！！當時我地系walk in，室內已經冇曬位，職員建議我地坐室外，當晚天氣都有26度，幸好有微風，唔算太熱，職員仲開埋把遮俾我地同點蚊香，好貼心🩷🩷我地叫左個set dinner一齊share，頭盤系一個酸酸甜甜既蕃茄仔，好開胃，個人覺得吾錯，口感好酸甜。加上佢地既酸種麵包配橄欖油都唔錯。另外主菜系龍蝦手工意粉，意粉包滿龍蝦汁，非常入味，不過意粉口感麻麻，整體味道系唔錯，但手工意粉有啲太厚皮，龍蝦肉好爽口，但份量有啲少。甜品系提子啫喱餅，一個字:好甜😂。外觀擺設好靚，但味道麻麻。所以我地另外叫了tiramisu，呢個Tiramisu好特別，系要自己攞手指餅去點，另外仲有一杯咖啡自己倒落去，食法好新鮮，手指餅都好鬆化，Tiramisu味道好濃郁。整體嚟講，食物質素平平，但夠新奇，可以吸引人，當晚坐外面雖然有啲熱，但發現影相非常吾錯，環境幾好，如果天氣吾熱，大家可以選擇坐外面。呢間餐廳價錢比較貴，我地兩個人只叫了一個set dinner，埋單6xx，但我地都覺得佢地食物質素同份量唔值呢個價🤣。