影片
更多
2024-02-13
627 瀏覽
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗屯門區基本上我只係識西鐵站附近嘅嘢，雖然知道有一D 隱世咖啡店，但都唔太識去！同媽咪行吓市中心同 V-city，發現竟然 Cupping Room 響呢度開咗，我試過中環同上環分店覺得唔錯，貴為一間以精品咖啡作賣點同埋攞過咖啡師大賽獎項嘅咖啡店，對於佢嘅咖啡係會有期待嘅，等我試吓呢間分店得唔得先～🍴單品手沖咖啡（$70）Single origin 有四款咖啡豆可以選擇，我自己唔太鍾意飲帶酸味嘅咖啡，經過店員介紹，我揀咗 Victor Felix Ramirez Geisha，呢款係帶有橙香、佛手柑、伯爵茶同薰衣草花味嘅咖啡豆，我自己都幾鍾意飲伯爵茶，尤其鍾意入面嘅佛手柑味，都幾期待！當我見到咖啡師似係準備沖我杯嘢飲，我就走出去問可唔可以睇同影佢，佢好 nice，沖咖啡前有好多準備功夫，沖咖啡時手法乾淨俐落，幾有功架！手沖咖啡相對機沖咖啡表面冇咗咖啡脂，口感比較清新乾淨，有圓潤感覺，飲到個 after taste 帶有茶香味，反而唔太覺佢寫嘅薰衣草花味，which is 係我咁多個 description 中最唔鍾意嘅，所以我覺得好飲～🍴
回頭指數 ⭐️⭐️⭐️⭐️
開心指數🤗🤗🤗🤗
屯門區基本上我只係識西鐵站附近嘅嘢，雖然知道有一D 隱世咖啡店，但都唔太識去！同媽咪行吓市中心同 V-city，發現竟然 Cupping Room 響呢度開咗，我試過中環同上環分店覺得唔錯，貴為一間以精品咖啡作賣點同埋攞過咖啡師大賽獎項嘅咖啡店，對於佢嘅咖啡係會有期待嘅，等我試吓呢間分店得唔得先～
🍴單品手沖咖啡（$70）
Single origin 有四款咖啡豆可以選擇，我自己唔太鍾意飲帶酸味嘅咖啡，經過店員介紹，我揀咗 Victor Felix Ramirez Geisha，呢款係帶有橙香、佛手柑、伯爵茶同薰衣草花味嘅咖啡豆，我自己都幾鍾意飲伯爵茶，尤其鍾意入面嘅佛手柑味，都幾期待！
當我見到咖啡師似係準備沖我杯嘢飲，我就走出去問可唔可以睇同影佢，佢好 nice，沖咖啡前有好多準備功夫，沖咖啡時手法乾淨俐落，幾有功架！
手沖咖啡相對機沖咖啡表面冇咗咖啡脂，口感比較清新乾淨，有圓潤感覺，飲到個 after taste 帶有茶香味，反而唔太覺佢寫嘅薰衣草花味，which is 係我咁多個 description 中最唔鍾意嘅，所以我覺得好飲～
單品手沖咖啡
$70
2 瀏覽
0 讚好
0 留言
🍴焙茶鮮奶（$48）
因為媽咪夜晚唔飲咖啡，揀咗相對比較少店會提供嘅焙茶 latte，賣相精緻，試咗一啖，焙茶味濃郁得嚟冇苦味，好飲～
焙茶鮮奶
$48
5 瀏覽
0 讚好
0 留言
🍴 法式紅酒燴牛面扁意粉（$158）
扁意粉上鋪咗四大片牛面，牛面好軟，牛味濃，仲 feel 到帶有骨膠原嘅黏口感，每條扁意粉都包住醬汁，煮到 al dente，正！
法式紅酒燴牛面扁意粉
$158
5 瀏覽
0 讚好
0 留言
🍴北歐式三文治（$128）
可以由6款 toppings 度揀兩款，我揀咗紅蝦同埋香煎帶子配牛油果，我開頭以為將兩款 toppings 放埋同一片麵包上，原來係每樣一件，切開後都唔會散晒！紅蝦好新鮮彈牙，醬汁係酸味比較突出嘅蛋黃醬，好醒胃，上面仲有脆脆蝦仔，口感更豐富。另一件上面有4隻帶子，三文魚籽，仲有好多牛油果蓉，呢款相對比較清新，兩款都好味，我自己鍾意食紅蝦多D～
北歐式三文治
$128
2 瀏覽
0 讚好
0 留言
🍴 法式西多熱香餅 - 提拉米蘇（$148）
食完 main，心思思想試埋甜品，最後揀咗試 tiramisu。佢嘅 presentation 係 deconstructed version，熱香餅有厚度，佢嘅外皮係焦糖，好脆，入面好 fluffy 同 creamy，好香蛋奶味，配埋凍冰冰嘅雲尼嗱雪糕，一流！Ladyfingers 同啫喱都係用 cupping room 咖啡做㗎～ 呢款甜品好出色！
法式西多熱香餅 - 提拉米蘇
$148
1 瀏覽
0 讚好
0 留言
雖然係大西北嘅分店，質素同中上環嘅一樣咁出色，環境坐得舒服，大西北或者想響西鐵站附近搵有質素嘅 coffee shop 嘅朋友可以嚟試吓！
☆My IG @tracyloveliving ☆
張貼
