泰聚 (已結業)

如果唔係因為朋友住天水圍，恐怕真係唔會摸到呢度搵食。雖然似乎係村屋改裝，但地方卻鋪排得相當唔錯。特別係天氣乾爽，坐在外面食飯傾偈確實心曠神怡！鄉郊地方，泰菜卻相當地道。那窩芋頭飯，除咗香芋之外料多到數唔到；嗰窩青咖喱雞除咗好夾薄餅、蒜蓉包之外幾乎由頭帶到尾。條燒烏頭肉厚質軟，唔怪得潮州人稱之為「魚飯」，就算唔醮汁，味道都好清香。蝦餅同燒魷魚筒亦同樣有水準。最近要係埋單完全唔貴，包泊車。如果下次你唔覺意揸車撞咗入元朗或者天水圍，呢度的確可以一試！