影片
更多
2018-03-27
154 瀏覽
個日放半晝，收工就同埋同事去食野佢帶左我黎呢度，話呢度既食物大份夾抵食睇睇餐牌，價錢真係好貼地啵，HKd$109已經有個二人餐，仲要好多野食咁，所以我地就決定要個二人餐share 我地都揀左飲豆漿，凍豆漿冰冰涼涼唔太甜，夠曬解渴先黎係我地喺餐所揀既山城牛肉麵加肥腸，叫左小辣麵條煮得剛好不糊口，而湯底則香麻不太辣當中既牛肉用上腩位部份，腍而不嚡！而肥腸更值一讚，處理得乾淨，沒有令人叫怕的脂肪，入味不韌而另一款主食就揀左配上清湯既鮮肉抄手一碗有六大粒，每一粒都非常飽滿小食方面就要左口水雞翼同尖椒皮蛋我地見到只係加HKd$4就可以轉做黃金皮蛋，咁就轉黎試下先兩款小食既調味都幾好，最近濕氣咁重，食返啲辣辣地既涼拌小食就特别開胃最後店内既姐姐仲力推佢地既冰粉，見到只係10蚊碗，我地都叫左碗黎食，食落冰冰涼，真係解辣一流，辣氣全消-雖然沒有驚為天人既特別菜式，但地道既風味加上實惠既價錢，已有足夠既理由讓人回頭
佢帶左我黎呢度，話呢度既食物大份夾抵食
睇睇餐牌，價錢真係好貼地啵，HKd$109已經有個二人餐，仲要好多野食咁，所以我地就決定要個二人餐share
我地都揀左飲豆漿，凍豆漿冰冰涼涼唔太甜，夠曬解渴
先黎係我地喺餐所揀既山城牛肉麵加肥腸，叫左小辣
麵條煮得剛好不糊口，而湯底則香麻不太辣
當中既牛肉用上腩位部份，腍而不嚡！
而肥腸更值一讚，處理得乾淨，沒有令人叫怕的脂肪，入味不韌
而另一款主食就揀左配上清湯既鮮肉抄手
一碗有六大粒，每一粒都非常飽滿
小食方面就要左口水雞翼同尖椒皮蛋
我地見到只係加HKd$4就可以轉做黃金皮蛋，咁就轉黎試下先
兩款小食既調味都幾好，最近濕氣咁重，食返啲辣辣地既涼拌小食就特别開胃
最後店内既姐姐仲力推佢地既冰粉，見到只係10蚊碗，我地都叫左碗黎食，食落冰冰涼，真係解辣一流，辣氣全消
-
雖然沒有驚為天人既特別菜式，但地道既風味加上實惠既價錢，已有足夠既理由讓人回頭
張貼
