豐受居酒屋

營業中

休息中

行完衛奕信第5段，喺霧雨中終於出返山，落到龍翔道唔知去邊度好，突然間就諗起不如落觀塘食晚飯。夜晚想食light少少，咁就食日本菜。啱啱嚟到坐低過咗happy hour時間。不過唔緊要，仲有好多選擇。嗌咗個茶碗蒸，好得意佢個蛋係凍，可能因為佢上面有隻藍黃再加三文魚子，所以成個都係凍嘅。啱啱好今日有濕又焗，再加埋個餐前小食蕃茄，感覺好清涼。個刺身拼盤中規中矩，冇雪味魚肉，亦都新鮮彈牙。個牛脷芯都處理得好好，淋滑得嚟又有啲咬口。如果真係要改善嘅話，就係個燒魷魚，欠缺咗一啲燒烤嘅味道。同埋個雞白湯烏冬，個手打烏冬真係好食超彈牙，但係啲雞肉似係雞胸都好嚡，個湯就有少少似罐頭湯，依度有少少敗筆。不過整體嚟講都食得開心，坐得舒服。