影片
更多
2007-07-05
1 瀏覽
用山東菜做招牌, 等我地山東人去吃. 失望而回.等位已經令人覺得安排很差, 6:45到七位, 接待員話“因為大台已經book晒, 要等好耐至有”我回覆“打電話離, 話booking 既位已經滿, 你可以walk-in 等等, 有咩理由我家陣walk-in,又話比人book 晒呢, 即是點呢, 要我等幾耐,你講明先.”唔知係唔係本人太惡啦, 即是又話七位冇問題. 等等就得, 因為當時有位小姐等九位佢同我地一樣,又係打左離,又叫walk-in, walk-in 又話唔會有位, 最後我地等左15分鐘有台. 早知冇台就算~~ 唔駛食到一肚氣用我食左幾十年京菜去評論下v水餃–($24/六隻) –貴而冇特別v魚餃–($48/六隻) –仲貴, 味道okv山東燒雞–($168/隻) –食完以為我食左幾十年既山東燒雞係唔正宗添呀! 完全唔係果個味! –差v大滷麵–($38/碗) –都係果句啦食左幾十年都唔係咁既樣囉! –差v家常餅–又係果句啦! –差v黃魚–一般, 不過味道帶甜v生煎飽–一般v銀絲卷(蒸及炸) –最好食, 因為唔駛比味道既..v小籠包–同x翠一樣, okv海節頭–一般, 唔及x 善好食v
等位已經令人覺得安排很差, 6:45到七位, 接待員話“因為大台已經book晒, 要等好耐至有”我回覆“打電話離, 話booking 既位已經滿, 你可以walk-in 等等, 有咩理由我家陣walk-in,又話比人book 晒呢, 即是點呢, 要我等幾耐,你講明先.”唔知係唔係本人太惡啦, 即是又話七位冇問題. 等等就得, 因為當時有位小姐等九位佢同我地一樣,又係打左離,又叫walk-in, walk-in 又話唔會有位, 最後我地等左15分鐘有台. 早知冇台就算~~ 唔駛食到一肚氣
用我食左幾十年京菜去評論下
v水餃–($24/六隻) –貴而冇特別
v魚餃–($48/六隻) –仲貴, 味道ok
v山東燒雞–($168/隻) –食完以為我食左幾十年既山東燒雞係唔正宗添呀! 完全唔係果個味! –差
v大滷麵–($38/碗) –都係果句啦食左幾十年都唔係咁既樣囉! –差
v家常餅–又係果句啦! –差
v黃魚–一般, 不過味道帶甜
v生煎飽–一般
v銀絲卷(蒸及炸) –最好食, 因為唔駛比味道既..
v小籠包–同x翠一樣, ok
v海節頭–一般, 唔及x 善好食
v水煮牛–ok
好啦.. 要講精彩環節啦~~ 北京填鴨($280) 出場, 最後至到, 等左佢好耐.. 眼見出左離起碼15分鐘, 仲未比我地, 點解. 因為伙計搵唔到手套.. 好啦.. 起左片啦~~ 下一大隻填鴨, 你比一碟仔我, 唔係呀! 仲一放底碟鴨, 就唔見左隻鴨啦~~ 於是問問, 伙計甲望完答, 仲有既佢係出面整緊o者, 下已經唔見左隻鴨,佢去邊樹整呀! 伙計甲再回答, 係呀! 已經起晒.. 即是點呢~~ 叫經理到, 經理回答, 因為佢地有特別規定, 每隻鴨都分24塊, 我地即是回答, 我地食左幾十年,未食過咁既樣, 而且冇24塊, 大家見到佢既肉仲覺得要叫個瀨粉(食燒鵝瀨似d ) 經理只係係咁講佢地係咁, 於是我地都算啦.. 果塊麵粉片, 下, 我本人覺得似石膏粉咁囉, 又硬又凍, 於是經理話換比我地, 換完一樣…可能我係最唔識講野既一位, 伙計乙係道換碟, 我不段講點食, 點起, 未見過咁既北京填鴨, 伙計乙終於忍唔住啦~~ “係我起既, 有咩問題呢!”我回答, “哦! 你係唔係冇學過就去起既呢!”說話一出, 伙計乙已經忍不住佢既火啦“我學左三年, 亦係特別做lee 個菜既!”大家都靜晒, 好明顯就冇睇劉德華既廣告! 於是我只好回答, 係呀! 眼望住碟野, 冇人想食. 伙計乙再答“我承認我真係冇認真同你起, 係差左少少, 唔好意思!”大家即是接受晒, 終於有人比到答覆我地啦, 不過, 仍然態度係唔好既, 佢既餘火就係“你地唔想要, 幫你取消!”即是大家yeah 晒, 本來想叫既甜品都唔叫啦~~ 仲唔走咩, 好驚有命案呀!
總括, 我一定唔會再去, 佢既價錢唔係平, 裝修好一般, 識員及食物唔專業!!
張貼