銘興山西刀削麵 (民泰街)

營業中

休息中

路經民泰街 見到一間新近開業嘅山西刀削麵館 晚飯時間人流不斷 價錢實惠 於是加入等位行列 唔駛10分鐘 已經可以坐低🙂-🥓豬頸肉刀削麵刀削麵可以揀放湯或者乾撈 我鍾意熱拌 胡麻醬汁有些少辛辣 麵條微温 條條有質感有彈性 一邊食麵 仲可以隨意添加小店自家醃製嘅白蘿蔔 -🍖虎皮豬手刀削麵虎皮豬手好大隻 將佢先炸後滷 豬皮有啲凹凸 望落幾立體 chewy豬皮+膠質皮下脂肪+柔軟脾肉 口感好豐富呀😬-🥟手工韭菜豬肉水餃山東水餃嘅特色 係餃子皮比較厚 嚼落幾煙靭 餡料飽滿 肉汁鮮美 蘸辣椒油或者浙醋都👍