Ilis (已結業)

ilis物超所值去尖沙咀睇戲之前竟然搵到間物超所值既餐廳，山林道既ilis，店舖雖小但座位寛闊。叫左個二人晚餐。水牛芝士伴紫蘇梅蕃茄凍~看似cream既原來就係芝士，果凍味道似話梅味酸酸甜甜好特別！法式焗田螺~熱辣辣田螺食落口有種好柔軟既感覺，薯蓉香噴噴亦不太咸。巴馬火腿沙律~沙律好清新，加左芝麻醬更好味，唔會太單調。南瓜湯~好Creamy，香滑細膩！香煎帶子海鮮蕃茄意粉~青口同帶子好味，意粉軟硬適中，配蕃茄汁好開胃！慢煮美國牛柳配燒大蝦~砌出來個賣相好用心，大蝦燒得好香好美味。牛柳超正，5成熟既紅色我至鍾意架，肉汁完全鎖住無流失！朱古力心太軟~呢個甜品超有水準，細細粒但切開入面既流心如泉湧出來，味覺同視覺享受！食完之後有暖笠笠既感覺！焦糖布丁好好食，好滑又唔太甜，拍得住高級餐廳喔！