鐵板先生

營業中

休息中

平時都知道山林道有好多唔同嘅餐廳，但因為佢個位置嘅問題所以都好少去。咁啱去開等女朋友係山林道做美容，然後就係附近搵餐廳食午飯。行過見到成條街都有唔同嘅日本餐廳，於是見到一間有貼版嘅餐廳就入咗去。兩個人點左兩份lunch set，一份係雜菜炒薄牛肉定食，另外一份係煎雞扒定食。落左單之後，廚師會即場係你面前開個鐵板煮，等大概一陣就有得食。雜菜炒薄牛肉定食牛肉份量比較少，同埋啲牛肉真係失落冇乜味，十分清淡，可能係因為太多雜菜。反而個煎雞扒定食就做得幾惹味，廚師煎完個雞扒會喺上面淋一啲汁，同埋會灑咗啲炸蒜粒係上面，令到雞排味道升華。到準備出去埋單嘅時候，廚師突然叫停左我哋，提我地原來仲有兩粒雪糕糯米糍做甜品。餐廳服務態度十分好，廚師及員工亦會很細心地向客人介紹餐牌。