吞POT 雞煲火鍋.住家菜 (山林道) (已結業)

琴晚又濕又凍所以決定打邊壚，可能因為係7點半，時間尚早，仲未有好多人。一入到個環境都幾舒服，座位比其他食雞煲既餐廳闊落，枱與枱之間都幾闊，所以食既時候唔係好大煙。我地兩個人就叫左一個普通雞煲，由於唔舒服既關係，所以就走左辣，雖然通常食雞煲都要辣既，但係今次唔辣都唔錯，都幾重味，d雞件都幾大舊又多肉。之後我地叫左份十全大寶丸同廣島蠔。我推介十全大寶丸，佢係有五款特色丸組成，有蟹粉墨丸，黑松露墨丸，煎鵝肝蝦丸，芝心牛丸同海膽黑墨丸。每款都好食又有特色，值得一試！我覺得最好食就係海膽黑墨丸，彈牙有口感就唔多講啦，黑墨丸個味再夾埋鮮鮮甜甜既海膽真係唔錯。煎鵝肝蝦丸個味都好重好好味！至於個蠔都幾鮮甜同幾大隻，一碟6隻兩個人食岩岩好,d蠔可以係因為雪過，所以要比平時淥耐少少，如果唔係中間個心可能會有d凍。