幸福堂 (已結業)

今日行街行到口痕，好像飲珍珠鮮奶，就同朋友黎銅鑼灣呢條超多茶飲店既街搵下心頭好，竟然比我見到呢間幸福堂！原來呢間係直屬台灣既陳家幸福堂。我地黎到就當然唔可以放過最經典既黑糖珍珠鮮奶（$30）！啲虎紋真係無得頂。聞落都已經有好吸引既黑糖香。呢度啲珍珠係現炒既，除左夠曬重黑糖味，咬落既軟硬度亦簡直完美！朋友叫既呢個黑糖珍珠仙草鮮奶（$38），店員解釋呢個同黑糖珍珠差唔多，但就無左個虎紋，想用仙草營造一個山水畫既效果，白底，一兩畫黑彩，果然特別！