Sodam Chicken (已結業)

前幾天睇完套韓劇，心思思想食韓國野，所以今日仲係陽光普照既晏晝，趁山竹超強颱風來臨既前夕就去左中環呢間裝修都幾有韓國風味既炸雞🍗餐廳到用餐，店員安排左我地坐左高檯bar位，之後店員好細心為我地介紹餐牌內既食物，之後佢推薦我地食佢地餐廳新推出既三重雞鍋既套餐，仲可自選3款配料包埋2杯凍或熱既飲品！首先友人叫左可樂一罐，我就叫左一杯凍既蜂蜜檸檬🍋綠茶，我地等左10分鐘左右個鍋就出場啦，見到個賣相已經😋😋😋流晒口水啦！店員叫我地首先食左上面個層韓式炸雞先，外脆內熱，雞肉超級juicy同嫩滑！之後就品嚐一下個春川辣雞，我同友人本身都食唔到太辣，幸好佢冇我地想像中咁辣，都可以接受到既惹火辣味配埋雞肉年糕，都唔錯！再試埋旁邊既安東燉雞配粉絲，口感一流，味道各方面都配得岩岩好，令我地食完想再食既感覺😌😌😋！之後我地放埋紫薯年糕，韓式魚餅同娃娃菜！煮了15分鐘左右入晒味，紫薯年糕第一次嘗試，好新鮮特別，真係好似食緊紫薯咁，今次既lunch 令我同友人一試難忘既體驗！好似去左韓國🇰🇷咁！맛있어요！😍😋👍