晉皇山西刀削麵館

營業中

休息中

維園做完運動，開始肚餓就走過去天后旁邊搵嘢食，一連幾間食店，上網睇完評論就入咗呢間，因為幾經濟。點了 $45麻辣豬軟骨菜飯。菜飯無咩鹹味，食到菜粒有蔬菜香，豬軟骨煮得夠入味，易咬開，少少肥肉，甘香。叫多碟油菜心送飯，要食多d 蔬菜。$40牛展刀削麵，湯頭有牛肉味，清甜，大碗麵，麵條彈牙又軟熟，個刀削麵做得幾出色，牛展幾多，而且滷得入味，柔軟唔韌幾好味。加$6 豆漿，有豆香味，正常濃度。再點咗碟麻辣豬耳，幾爽脆，唔係太辣，有油香味。