築地‧山貴水產市場 (已結業)

上午同partner 行完會展，走去灣仔碼頭坐船過尖沙嘴，會展一帶工程進行幾年，同時都無坐船好耐，原來碼頭已經大變身，遠見頂層有空中花園，二樓就有築地市場，地下係碼頭出入口，見有時間，上二樓睇睇，大大招牌築地山貴水產，內分多區——超市、丼飯、浜燒、拉麵、站食壽司、站食海鮮、甜品等等，好似個小小日本；partner 見狀好似癲左咁，係咁話要食拉麵，拉麵區只有幾張bar枱，可以睇後生日本師父煮拉麵，手勢順熟，唔望出窗，以為自己身在日本；Menu 只有五款拉麵，但特大重量級山貴特選海鮮拉麵就暫停供應，所以全店得四款拉麵，湯底有札幌味噌湯及醬油湯兩種選擇，野菜拉麵配札幌味噌湯，係我嘅，碗麵一到，第一件事當然同佢影沙龍先啦，第二件就係飲啖湯，好香濃肉味，第三件事就食菜，菜鮮甜但無乜特別，到第四就係食麵，一食就愛上，好彈牙，粗粗地有質感，6麵時間啱啱好，唔淋有啲煙韌，點解咁好味？？原來麵係由北海道生產，西山製造嘅屋台麵，原材料除左用優質小麥粉外，用水都好講究，取於北海道地底200米嘅優質地下水製造而成，唔係度度做得到，食到一條都無得淨；Partner 嗰碗係叉燒拉麵配醬油，麵當然同樣出色，最大分別