山野日本料理 (已結業)

又到左同朋友相聚既日子，朋友提議食日本菜，今次就黎山野日本料理食放題，位置舒服，有沙發坐。呢度既壽司好特別，件件都mini size,不過飯粒好易散開。我最鐘意就係法式黑松露油甘魚同法式黑松露帆立貝壽司，超勁既黑松露香氣，又唔會蓋過油甘魚同帆立貝既鮮味。炸物方面，最正一定係榴槤炸彈，除左外皮炸得好脆之外，裡面有超澎湃既榴槤醬，非常滑溜，好似食真榴槤肉一樣咁令人滿足。胡麻醬冷讚歧手打烏冬烏冬相當彈牙,麻醬少少鹹但可以令人感到開胃,如果多d麻醬就更正燒物點左雞軟骨、海蝦、羊架、鯖魚、蠔。羊架雖然多肥肉但勝在夠羶,鐘意羊既人一定好鐘意呢個。呢度既甜品選擇好豐富，除左雪糕同melona雪條之外，重有靚靚既果凍杯。最鐘意食水蜜桃味，幾香甜，乳酸味都唔錯。