Jaspas Restaurant (已結業)

山長水遠走入西貢就係為左搵朋友食飯，本身就諼住食下海鮮咁，點知佢話敏感起，最後食返西餐就算數啦。我地今次去左一間都幾多人食既餐廳食early dinner。4個人食，嗌左香蒜白酒意粉，雞肉沙律，fishandchip同埋一個肉眼扒。質素同普通西餐廳差唔多，反而最令人滿意既係佢既招牌雞肉沙律，沙律菜好新鮮雞肉份量都好多，而且佢有另上一樽既橄欖油，可以配合到唔同人士既口味。反而最失望既係肉眼扒，我地嗌左5成熟正常都好快上台，但等左勁耐都心知不妙。上到黎全熟囉師父，本想想死死地氣食埋佢但真係太熟啦最後都係叫佢換過一碟比我地，400蚊既牛扒我都唔想浪費佢。