Le Grand Pokka Café (形點) (已結業)

今日下午好遠咁入到元朗食飯，為嘅就係佢杯甜酒新地，做到今個月尾，希望唔好令我失望啦～士多啤梨味好淡，反而飲到白桃🍑味，都幾清甜，又解喝，真係好適合依家咁熱嘅天氣好甜好甜，好似飲糖水，我真係麻麻，亦飲唔到果味呢個牛油汁好好味，唔會好漏，將麵包沾上牛油汁配埋蜆肉一齊食真係一流，但都偏鹹，要留意返一開頭食酸酸地，以為係番茄酸，到差不多食完先記得原來係用咗柚子汁去煮，味道可以嘅，蕃茄味出，但係酸左少少，食唔到柚子味，感覺怪怪地，最重要係意粉煮到糊咗，意粉唔係一條條，口感好難食辣度可以，唔會好似平時日式咖喱咁甜，牛肉軟身亦好好味，我好鍾意食呢個飯吾似食日式咖喱 pancake 又凍亦林哂，口感就好似蛋糕淋左水一樣，唔香亦唔好食，no good呢個新地應該有個甜酒酒樽倒轉插喺上面，我問店員點解冇咗嘅，店員話其實都只係一個裝飾😭成件事好似錯晒咁，咁遠入到黎為咗依個甜品都想為佢影返張靚相⋯⋯雪糕嘅甜酒味好重，加上忌廉，Oreo餅碎，加埋黑色一粒粒嘅啫喱，真係好好好好味呀希望遲啲好快再出！！對上一次食依間野已經大約十年前，味道比以前好左進步左，都算有驚喜