影片
更多
2017-06-27
224 瀏覽
呢碗拉麵真係 好~!好~!好~食! 呀！(重要既事要講3次)我儀yee仔貴為上水食神，食拉麵無數，竟然比我喺上水搵到碗全港味道數一數二既拉麵，真係踏破鐵鞋無覓處，得來全不費功夫。 全靠前幾個月某新聞，報導呢間小店俾無理食客不斷投訴滋擾，連食環署都叫佢地搬遷迴避。點都估唔到，卻做到不錯既宣傳效果。店鋪面積細小既佢地，旁邊都係街市檔攤，唔係專登去都好難發現。日本人老板娘在門口有禮咁叫我地先點食物，然後上樓上雅座等待。店內環境雖然較舊，但卻有著懷舊既氣息。不足一會，店員為我地端上熱滕滕既拉麵。黑蒜油叉燒拉麵。除左係中環食過一間叫健康拉麵之外，呢間係我第二間讚不絕口既拉麵。叉燒份量充足，足足有5到6片。叉燒獨特之處除左係形狀唔似日本叉燒之外，佢肥瘦適中，咬落去唔韌之餘亦好嫰，重要係唔油膩，入口溶化，美味非常。黑蒜油湯底不嬲係香港人至愛，湯底濃郁得黎唔太咸，岩岩好，黑蒜味亦夠，搞到我差唔多飲晒成碗湯都唔夠喉。麵質亦係成功之處。呢個幼麵配搭黑蒜湯底 得而。硬度剛剛好，唔會話好硬，有𡁻口，增加碗麵既層次。反觀朋友果碗既味噌湯拉麵，麵底又幼又硬，略為遜色。如果呢間小店比人投訴到冇得做，咁真係我地食客既
我儀yee仔貴為上水食神，食拉麵無數，竟然比我喺上水搵到碗全港味道數一數二既拉麵，真係踏破鐵鞋無覓處，得來全不費功夫。 全靠前幾個月某新聞，報導呢間小店俾無理食客不斷投訴滋擾，連食環署都叫佢地搬遷迴避。點都估唔到，卻做到不錯既宣傳效果。
店鋪面積細小既佢地，旁邊都係街市檔攤，唔係專登去都好難發現。日本人老板娘在門口有禮咁叫我地先點食物，然後上樓上雅座等待。店內環境雖然較舊，但卻有著懷舊既氣息。不足一會，店員為我地端上熱滕滕既拉麵。
黑蒜湯底叉燒拉麵
17 瀏覽
0 讚好
0 留言
黑蒜油叉燒拉麵。
除左係中環食過一間叫健康拉麵之外，呢間係我第二間讚不絕口既拉麵。叉燒份量充足，足足有5到6片。叉燒獨特之處除左係形狀唔似日本叉燒之外，佢肥瘦適中，咬落去唔韌之餘亦好嫰，重要係唔油膩，入口溶化，美味非常。
黑蒜油湯底不嬲係香港人至愛，湯底濃郁得黎唔太咸，岩岩好，黑蒜味亦夠，搞到我差唔多飲晒成碗湯都唔夠喉。
麵質亦係成功之處。呢個幼麵配搭黑蒜湯底 得而。硬度剛剛好，唔會話好硬，有𡁻口，增加碗麵既層次。反觀朋友果碗既味噌湯拉麵，麵底又幼又硬，略為遜色。
如果呢間小店比人投訴到冇得做，咁真係我地食客既人大損失。希望之後會多啲人留意到呢間小店，得以令到佢地可以持續經營。
張貼
