影片
更多
2023-11-29
155 瀏覽
最近天氣好好，清涼乾爽又有藍天，我同朋友決定上山頂走走。行完一個圈之後，欣賞完風景就梗係要補充返體力啦！Fiamma喺正山頂廣場地下，室內設計以皇家藍橡木、復古瓷磚同吊燈作為裝飾，呈現出地中海風格，帶出一份悠閑感。坐低睇到介紹先知原來餐廳係米芝蓮星級主廚Enrico Bartolini所開，未食已經興奮！Lunch menu 3 courses 只係$398，就可以試到大㕑精湛廚藝，傳統意大利菜，真係好抵！🔹Baccalà Mantecato - 威尼斯傳統烹飪菜式。大廚將鹽醃鱈魚煮熟後，加入調味料，攪拌至光滑而奶油狀嘅質地，跟住再烤焗。鱈魚肉質嫩滑，奶油芝士味道香濃，搭配玉米糊同香草醬，風味獨特又美味。🔹 Vitello Tonnato - 一道經典嘅意大利菜，由切成薄片嘅嫩燉小牛肉搭配奶油狀嘅吞拿魚醬料而成。肉片細膩而嫩滑，醬料帶有一絲鹹香。擺盤花心思，肉片下面藏有新鮮沙律菜，清新感同視覺效果都令人驚喜。🔹Linguine Alle Vongole E Bottarga （+$98） - 香脆蒜蓉加埋少評辣椒，意大利鮮蜆肉扁意粉竟然做到有一種「避風塘煮意粉」嘅惹味風格！🔹 Pizz
Fiamma喺正山頂廣場地下，室內設計以皇家藍橡木、復古瓷磚同吊燈作為裝飾，呈現出地中海風格，帶出一份悠閑感。
坐低睇到介紹先知原來餐廳係米芝蓮星級主廚Enrico Bartolini所開，未食已經興奮！Lunch menu 3 courses 只係$398，就可以試到大㕑精湛廚藝，傳統意大利菜，真係好抵！
🔹Baccalà Mantecato - 威尼斯傳統烹飪菜式。大廚將鹽醃鱈魚煮熟後，加入調味料，攪拌至光滑而奶油狀嘅質地，跟住再烤焗。鱈魚肉質嫩滑，奶油芝士味道香濃，搭配玉米糊同香草醬，風味獨特又美味。
🔹 Vitello Tonnato - 一道經典嘅意大利菜，由切成薄片嘅嫩燉小牛肉搭配奶油狀嘅吞拿魚醬料而成。肉片細膩而嫩滑，醬料帶有一絲鹹香。擺盤花心思，肉片下面藏有新鮮沙律菜，清新感同視覺效果都令人驚喜。
🔹Linguine Alle Vongole E Bottarga （+$98） - 香脆蒜蓉加埋少評辣椒，意大利鮮蜆肉扁意粉竟然做到有一種「避風塘煮意粉」嘅惹味風格！
🔹 Pizza Margherita - 現場烤製，餅底充滿小麥香味，口感煙靱鬆軟；材料雖然簡單，但係非常新鮮，食到蕃茄嘅酸甜同Basil 嘅芳香。Pizza 份量猶如其他餐廳嘅大批size!
🔹Cannoli - 西西里特色甜品之一。酥脆香口麵包卷，入面唧滿綿滑Ricotta芝士，兩邊仲有chocolate chips，層次豐富！
🔹 Panna Cotta Alle Noccide - 布甸具有濃郁奶香嘅味道同絲滑順口嘅質地，入面仲蘊含少許榛子醬，美味程度攞滿分！
我哋食甜品嘅時候，大廚熱情地同我哋打招呼，仲有詢問我哋嘅意見，佢超級friendly 呀！我竟然無醒起要同佢合照，真係錯失個好機會！希望下次到訪會再有機會見到佢啦！
Vitello Tonnato
15 瀏覽
0 讚好
0 留言
Baccalà Mantecato
7 瀏覽
0 讚好
0 留言
Linguine Alle Vongole E Bottarga
4 瀏覽
0 讚好
0 留言
Pizza Margherita
6 瀏覽
0 讚好
0 留言
Cannoli
4 瀏覽
0 讚好
0 留言
Panna Cotta Alle Noccide
3 瀏覽
0 讚好
0 留言
張貼
